Live Madinah

makkah1

dushwari

نازنین زغاری ریڈکلف کو سفارتی تحفظ فراہم کرنا اوران کے رہائی کے لیے غور ہو رہا ہے،برطانوی وزیراعظم

لندن۔14نومبر2017(فکروخبر/ذرائع )برطانوی وزیر اعظم کے دفتر ٹین ڈاؤننگ سٹریٹ نے کہا ہے کہ ایرانی جیل میں قید برطانوی خاتون نازنین زغاری ریڈکلف کو سفارتی تحفظ فراہم کرنا ان امکانات میں سے ایک ہے جن پر ان کے رہائی کے لیے غور ہو رہا ہے۔نازنین زغاری ریڈکلف کو پچھلے سال اپریل میں اس وقت تہران ایئرپورٹ سے گرفتار کیا گیا تھا جب اپنی دو سالہ بیٹی کے ہمراہ اپنے والدین کے ساتھ چھٹیاں منانے کے بعد برطانیہ آرہی تھیں۔میڈیارپورٹس کے مطابق نازین زغاری ریٹکلف کو ایران میں پانچ سال قید کی سزا سنائی گئی ہے۔

تہران:14؍نومبر2017(فکروخبر/ذرائع)  ایران عراق میں زلزلے سے ہلاکتوں کی تعداد 445سے زائد ہو گئی۔ زخمیوں کی تعداد 7 ہزار ہے۔ حکام نے ہلاکتوں میں اضافے کا خدشہ ظاہر کیا ہے، زلزلے کے آفٹر شاکس کے خدشات پر شہریوں کی بڑی تعداد گھروں سے باہر سڑکوں پر پناہ لئے ہوئے ہیں۔ بڑی تعداد میں عمارتوں کو نقصان پہنچا ہے، امدادی کارکنوں کو زلزلے سے متاثرہ ملک کے مغربی علاقوں میں روانہ کر دیا گیا۔ زلزلے کا مرکز عراق کے جنوبی شہر حلبجہ تھا اور اس کی زمین میں گہرائی 33.9 کلومیٹر تھی۔

 مناما:12؍نومبر2017(فکروخبر/ذرائع)سعودی عرب سے بحرین جانے والی تیل کی پائپ لائن کو دارالحکومت مناما کے قریبی گاؤں بری میں دھماکوں سے نشانہ بنایا گیا جس کے بعد آگ بھڑک اٹھی جبکہ دونوں ممالک کے درمیان تیل کی روانی بھی معطل ہوگئی ہے۔تیل کی پائپ لائن پر ہونے والے دھماکوں میں کسی جانی نقصان کی اطلاع نہیں اور نہ ہی کسی دہشت گردتنظیم کی جانب سے اس کی ذمہ داری قبول کی گئی تاہم حکام کا کہنا ہے کہ اس واقعے کے ذمہ دار ایران سے متاثرجنگجو ہیں۔

لندن ۔ 11نومبر 2017(فکروخبر/ذرائع)  شام کے دارالحکومت دمشق سے 14 کلومیٹر جنوب میں واقع علاقے "الكسوہ" میں زیر تعمیر ایرانی فوجی اڈے کی سیٹلائٹ تصاویر جمعے کے روز پہلی مرتبہ منظر عام پر آئی ہیں۔اسرائیلی وزیراعظم بنیامین نیتن یاہو یہ کہہ چکے ہیں کہ "ایران شام کے اندر اپنی عسکری وجود کے قدم جما رہا ہے مگر ہم تہران کو ایسا کرنے کی اجازت ہر گز نہیں دیں گے"۔ انہوں نے یہ بات اکتوبر میں مقبوضہ بیت المقدس کا دورہ کرنے والے روسی وزیر دفاع سرگئی شویگو سے ملاقات میں کہی تھی۔

ریاض:11؍نومبر2017(فکروخبر/ذرائع) سعودی عرب نے ایران پر نئی عالمی پابندی عائد کرنے کا مطالبہ کرتے ہوئے کہا ہے کہ ایران دنیا میں دہشت گردی کو فروغ دینے میں سرفہرست ہے۔امریکی ٹیلی ویژن سی این بی سی کو انٹرویو دیتے ہوئے سعودی وزیر خارجہ عادل الجبیر نے کہا ہے کہ ایران دہشت گردی کو فروغ دینے والا دنیا کا نمبر ون ملک ہے، ہم ایرانی بیلیسٹک میزائل پروگرام اور ایرانی حکومت کی جانب سے حزب اللہ کی پشت پناہی کے عمل کی مذمت کرتے ہیں اور چاہتے ہیں کہ دہشت گردی کو فروغ دینے کی جرم میں ایران پر نئی عالمی پابندی عائد کی جائیں۔

ویمنس ونگ آل انڈیا مسلم پرسنل لا بورڈ کی جانب سےاڑیسہ کے شہروں اوراضلاع میں اجلاس عام بعنوان ’’تحفظ شریعت اور اصلاح معاشرہ‘‘

نئی دہلی:10؍نومبر2017(فکروخبر/ذرائع)ویمنس ونگ آل انڈیا مسلم پرسنل لا بورڈ کی جانب سے خواتین و طالبات کیلئے دو دن/11 اور/12 نومبر2017 ، بروز : ہفتہ اور اتوار، ریاست اڑیسہ کے مختلف شہروں اور اضلاع میں اجلاس عام بعنوان ’’تحفظ شریعت اور اصلاح معاشرہ ‘‘ منعقد ہونگے۔اجلاس عام کے پہلے دن بتاریخ : /11 نومبر بروز : ہفتہ ، بوقت : 10-30 بجے دن تا 1بجے ،دوپہر، بمقام : روٹری بھون،یونٹ 9 ، بھوبھنیشور،۔ اور،اسی دن دوپہر 2 بجے دن تا 5بجے شام، بمقام : سوتاھاٹ، کٹک میں اجلاس عام منعقد ہوگا۔

امریکا اور سعودی عرب دہشت گردی اور انتہا پسندی کے خلاف مل کر جدو جہد کررہے ہیں،ترجمان پینٹاگون

واشنگٹن:07؍نومبر 2017(فکروخبر/ذرائع)امریکی وزارت دفاع ’پینٹاگون‘ نے کہا ہے کہ واشنگٹن سعودی عرب کے یمن میں ایرانی کے شرپسندانہ کردار سے متعلق موقف کی حمایت کرتا ہے۔عرب ٹی وی کے مطابق پینٹا گون کے ترجمان میجر اڈرین رانکین گالاوی نے ایک بیان میں کہا کہ یمن کے حوثی باغیوں کو ایران کی طرف سے بیلسٹک میزائلوں کی فراہمی سے متعلق سعودی عرب کا موقف اصولی ہے اور ہم اس موقف کا خیر مقدم کرتے ہیں۔

امریکی پابندیوں کا جواب میزائل پروگرام میں جدت سے دیا جائے گا،سربراہ پاسدارا ن انقلاب 

تہر ان ۔یکم نومبر2017(فکروخبر/ذرائع) ایرانی پاسداران انقلاب کے سربراہ محمد علی جعفری نے دھمکی دی ہے کہ ان کا ملک بیلسٹک میزائلوں کے حجم اور ان کے مار کرنے کے فاصلے کی رینج میں اضافے پر کام جاری رکھے گی۔ اگر ایران پر امریکا کی طرف سے مزید اقتصادی پابندیاں عاید کی گئیں تو ہم اس کا جواب میزائلوں کی رینج اور حجم میں اضافے کی صورت میں دیں گے۔غیر ملکی خبر رساں ادارے کے مطابق ایرانی پاسداران انقلاب کے سربراہ نے یہ دھمکی امریکا کی ایران بارے نئے حکمت عملی کے دو ہفتوں کے بعد جاری کیا ہے۔

ایران:یکم نومبر2017(فکروخبر/ذرائع) ایران نے کہا ہے کہ اسے اپنے بیلسٹک میزائلوں کی رینج مزید بڑھانے کی ضرورت نہیں کیونکہ وہ پہلے ہی خطے میں موجود امریکی فورسز تک پہنچنے کی صلاحیت رکھتے ہیں۔ ایرانی نیوز ایجنسی تسنیم کے مطابق یہ بات ایرنی انقلابی گارڈز کے سربراہ میجر جنرل محمد علی جعفری نے کہی ہے۔ امریکی صدر ڈونلڈ ٹرمپ کی طرف سے ایران کے میزائل پروگرام کے حوالے سے نئی پابندیوں کے منصوبے کے بارے میں جعفری کا کہنا تھا کہ پابندیاں محض ایرانی میزائلوں کی تعداد اور ان کی دُرستی میں اضافے کا باعث بنیں گی۔

سوئٹزر لینڈ::26؍اکتوبر2017(فکروخبر/ذرائع) سوئس حکومت کا کہنا ہے کہ اُس نے ایران اور سعودی عرب کی حکومتوں کے ساتھ تقریباﹰ یکساں نوعیت کے دو معاہدے طے کر لیے ہیں۔ ان معاہدوں کے تحت سوئس حکومت ریاض میں ایرانی سفارتی مفادات اور تہران میں سعودی سفارتی مفادات کی نگرانی کرے گی۔ ایران اور سعودی عرب کے درمیان سفارتی تعلقات جنوری 2016ء میں اس وقت منقطع ہو گئے تھے جب ریاض حکومت کی طرف سے ایک اہم شیعہ رہنما کو سزائے موت دیے جانے کے بعد تہران میں قائم سعودی سفارت خانے پر مشتعل ایرانیوں نے حملہ کر دیا تھا۔ سوئٹزر لینڈ ماضی میں بھی کئی ممالک کے مابین ثالث کا کردار ادا کر چکا ہے۔

صفحہ 1 کا 5