Live Madinah

makkah1

dushwari

ویانا:08؍اکتوبر2017(فکروخبر /ذرائع) آسٹریا میں سینکڑوں افراد حجاب اور برقع پر پابندی کے خلاف سڑکوں پر نکل آئے، چہروں پر مختلف ماسکس پہن کر احتجاج کیا۔میڈیا رپورٹس کے مطابق آسٹریا میں پابندی کے تحت عوامی مقامات پر نقاب اور برقع پہننے والی خواتین کے اوپر 150یورو کا جرمانہ لگایا جائے گا جبکہ یہ پابندی عرب خواتین سیاحوں پر بھی لاگو ہوگی ۔احتجاج میں شریک ایک لڑکی کا کہنا تھا کہ یہ فیصلہ بالکل غیر آئینی ہے اور خدشہ ہے کہ یہ فیصلہ ایک غلط سمت کی جانب بڑھ رہا ہے۔

واشنگٹن۔07اکتوبر2017(فکروخبر/ذرائع ) امریکی حکومت نے سعودی عرب کو میزائلوں سے دفاع کیلئے جدید نظام ’’تھاڈ‘‘ فروخت کرنے کی منظوری دے دی ہے۔بین الاقوامی میڈیا رپورٹس کے مطابق امریکی وزارت دفاع نے سعودی عرب کو 15 ارب ڈالر مالیت کا جدید ترین میزائل ڈیفنس سسٹم تھاڈ (THAAD) فروخت کرنے کی منظوری دے دی ہے۔گزشتہ دنوں میڈیا پر یہ خبر نشر ہوئی تھی کہ سعودی عرب نے روس سے ایس 400 طیارہ شکن نظام خریدنے کا معاہدہ کرلیا ہے جسے دنیا کا خطرناک ترین طیارہ شکن میزائل نظام بھی کہا جاتا ہے۔

لندن۔07اکتوبر2017(فکروخبر/ذرائع ) برطانیہ میں مسلمان ٹیکسی ڈرائیور نے معمرشخص کی جمع پونجی واپس کرکے ایمانداری کی نئی مثال قائم کردی۔برطانوی میڈیا کے مطابق نوسربازوں نے 78 سالہ شخص سے پیسے ہتھیانے کا منصوبہ بنایا جو ایماندار مسلمان ٹیکسی ڈرائیور کی بدولت مکمل طور پر ناکام ہوگیا۔اسٹون نامی برطانوی شہری کو فراڈیوں نے گھر کے نمبر پرفون کرکے خود کو اسکاٹ لینڈ یارڈ پولیس کا افسر ظاہر کیا اورڈھونگ رچایا کہ وہ ملک میں ہونے والی بینک فراڈ کی تحقیقات کررہے ہیں لہذا وہ فوری طور پرجمع شدہ رقم لے کر کسی ٹیکسی ڈرائیور کے پاس جمع کروادیں ۔