Live Madinah

makkah1

dushwari

اردن:6جون(فکروخبر/ذرائع)اردن کے ایک خفیہ ادارے کے تین سینئر افسروں سمیت پانچ افراد پیر کے روز دارلحکومت عمان کے مضافاتی علاقے البقعہ کے فلسطینی مہاجر کیمپ میں قائم ایک سیکیورٹی دفتر پر حملے میں ہلاک جبکہ دوسرے دو ملازم زخمی ہو گئے۔اردن کے سرکاری ٹی وی نے حکومتی ترجمان کے حوالے سے بتایا کہ حملہ مقامی وقت کے مطابق صبح سات بجے وسیع رقبے پر پھیلے سیکیورٹی دفتر پر کیا گیا۔ ترجمان نے حملے کو 'دہشت گرد کارروائی' قرار دیتے ہوئے مزید تفصیل نہیں بتائی۔

بلوچستان :5جون(فکروخبر/ذرائع)پاکستان کے صوبہ بلوچستان کے صدر مقام کوئٹہ کے رہائشی جان محمد خلجی کی دلچسپ خواہش ہے کہ وہ تین شادیاں کرنے اور 35 بچوں کا باپ بننے کے بعد چوتھی شادی کر کے ایک سو بچوں کا باپ بننے کا منفرد اعزاز حاصل کرنا چاہتے ہیں۔فرانسیسی خبر رساں ادارے 'اے ایف پی' سے بات کرتے ہوئے سردار جان محمد خلجی کا کہنا ہے کہ انہوں نے تین شادیاں کی ہیں۔ تین بیگمات میں سے ان کی 35 بچے ہیں جن میں 27 بیٹیاں اور 14 بیٹے ہیں۔ سردار جان محمد خلجی کی عمر چھیالیس برس ہے اور وہ پیشے کے لحاظ سے ڈاکٹر ہیں جبکہ کاروبار کے شعبے سے بھی منسلک ہیں۔

دبئی - 4 جون(فکروخبر/ذرائع)معروف امریکی باکسنگ لیجنڈ اور باکسنگ کے سابق  ہیوی ویٹ چیمپیئن محمد علی انتقال کر گئے ہیں۔ ان کی عمر 74 برس تھی۔ اُنھیں گزشتہ تین دہائیوں سے پارکنسس 'رعشہ' کا مرض لاحق تھا۔ محمد علی 1981 میں باکسنگ سے ریٹائرڈ ہو گئے تھے۔رواں ہفتے سانس کی تکلیف کے باعث انھیں امریکہ کے ایک اسپتال میں منتقل کیا گیا تھا جہاں ان کے ترجمان باب گونیل نے بتایا تھا کہ محمد علی کی حالت بہتر ہے۔ تاہم ہفتہ کو علی الصبح ان کے خاندان کی طرف سے جاری بیان میں محمد علی کی وفات کی تصدیق کی گئی۔اپنی اس بیماری کے باوجود وہ مسلسل تقاریب میں شرکت کر رہے لیکن کئی سالوں سے کسی  پبلک مقام پر اُنھوں نے بات نہیں کی۔