Live Madinah

makkah1

dushwari

تازہ ترین خبر:

غزہ : 10؍اکتوبر2017(فکروخبر/ذرائع)فلسطین کے علاقے غزہ کی پٹی میں اسرائیلی فوج نے حماس کے عسکری ونگ القسام بریگیڈ کے ایک مرکز پر گولہ باری کی, جس کے نتیجے میں متعدد مکانوں کو نقصان پہنچا ہے جب کہ القسام کا ایک مرکز تباہ ہو گیا۔مرکزاطلاعات فلسطین کے مطابق گولہ باری سے قبل اسرائیلی فوج نے دعویٰ کیا تھا کہ غزہ سے  داغا گیا ایک راکٹ اشکول کےمقام پر گرکر تباہ ہو گیا۔

کابل: 10؍اکتوبر2017(فکروخبر/ذرائع) انٹرنیشنل کمیٹی برائے ریڈ کراس یا آئی سی آر سی نے اس برس عملے کے 7 ارکان کی شدت پسند حملوں میں ہلاکت کے بعد افغانستان میں اپنی سرگرمیاں محدود کرنے کا اعلان کیا ہے۔عملے میں بڑی حد تک کمی کر دی ہے۔ ریڈ کراس کی سربراہ مونیکا زاناریلی کے مطابق قندوز اور میمنہ کے دفاتر بند کیے جا رہے ہیں جبکہ مزارِ شریف میں قائم مرکز میں سرگرمیاں محدود کی جا رہی ہیں۔ ملک میں ریڈ کراس کے عملے کے کئی ارکان کو اغوا بھی کیا گیا ہے۔

میانمار: 10؍اکتوبر2017(فکروخبر/ذرائع)یورپی یونین نے میانمار کی مسلح افواج کے کمانڈر ان چیف کو دی گئی دورے کی دعوت معطل کرنے کا فیصلہ کیا ہے۔ اس اقدام کی وجہ میانمار میں روہنگیا مسلم اقلیت کے ساتھ برتاؤ کے باعث پیدا ہونے والا شدید بحران بنا۔ نیوز ایجنسی روئٹرز کو ملنے والی اس بارے میں ایک یورپی فیصلے کے مسودے کی دستاویز کے مطابق میانمار کی صورت حال کے حوالے سے زمینی حقائق کو دیکھتے ہوئے مستقبل میں یورپی یونین کی طرف سے مزید اقدامات بھی کیے جا سکتے ہیں۔