Live Madinah

makkah1

dushwari

ترکی کی میزبانی میں ہونے والی عالمی اسلامی کانفرنس میں القدس کے حوالے سے ٹھوس اور فعال فیصلے کے امکانات 

مقبوضہ بیت المقدس ۔9دسمبر2017(فکروخبر /ذرائع) مسجد اقصی کے امام وخطیب اور فلسطین کے جید عالم دین الشیخ عکرمہ صبری نے کہا ہے کہ پوری مسلم امہ بالخصوص فلسطینی قوم کی نظریں استنبول میں ہونے والی عالمی اسلامی کانفرنس پر مرکوز ہیں۔ توقع ہے کہ ترکی کی میزبانی میں ہونے والی عالمی اسلامی کانفرنس میں القدس کے حوالے سے ٹھوس اور فعال فیصلے کیے جائیں گے۔مرکزاطلاعات فلسطین کے مطابق الجزیرہ ٹی کو دیے گئے ایک انٹرویو میں الشیخ عکرمہ صبری نے کہا کہ قبلہ اول کا دفاع اور القدس کی آزادی کھوکھلے نعروں سے ممکن نہیں۔

غزہ:09؍ڈسمبر2017(فکروخبر/ذرائع)فلسطین کی وزارت صحت کا کہنا ہے کہ اسرائیلی فوج کی دوروز سے جاری بربریت میں اب تک 3 فلسطینی شہید اور 1114 فلسطینی زخمی ہوئے۔ رپورٹ کے مطابق بیت المقدس میں 935 اور غزہ کی پٹی میں 179 فلسطینی زخمی ہوئے جن میں سے 5 کی حالت نازک بتائی جارہی ہے۔اسرائیل کی جارحیت میں شہید ہونے والے تین فلسطینیوں میں ایک 6 ماہ کا بچہ بھی شامل ہے۔اہلِ فلسطین امریکی اعلان کے ردعمل میں دوسرے روز بھی سراپا احتجاج ہیں جس کی وجہ سے بعض علاقوں میں مکمل ہڑتال ہے

صنعا:08؍ڈسمبر 2017(فکروخبر/ذرائع)یمنی فوج نے بحیرہ احمر پر واقع ایک قصبے کو حوثی باغیوں کے قبضے سے آزاد کرانے کا اعلان کیا ہے۔خوخا کے علاقے پر قبضے کے لیے جاری شدید جھڑپوں میں درجنوں افراد ہلاک ہوئے ہیں۔طبی ذرائع کے مطابق، ان جھڑپوں میں کم از کم 16 سرکاری اہلکار جبکہ 41 حوثی باغی مارے گئے۔حکومتی بیان میں بتایا گیا ہے کہ ان جھڑپوں کے بعد 30 باغیوں کو حراست میں بھی لے لیا گیا ہے۔یاد رہے کہ یہ علاقہ رواں سال جنوری سے حوثی باغیوں کے قبضے میں تھا۔یمن میں جاری خانہ جنگی میں ایک بار پھر شدت اس وقت پیدا ہوئی ہے جب چند روز قبل دارالحکومت صنعا میں حوثی باغیوں نے سابق صدر علی عبداللہ صالح کو ہلاک کر دیا تھا ۔