Live Madinah

makkah1

dushwari

کرکوک میں فوج دہشت گردوں کے خلاف جنگ کے لیے تعینات ہے،ترجمان حکومت 

بغداد ۔12اکتوبر2017(فکروخبر/ذرائع ) عراقی حکومت نے علیحدگی کے لیے کوشاں صوبہ کردستان کی طرف سے عاید کردہ الزامات کا جواب دیا ہے اور کہا ہے کہ بغداد کا کردستان کے خلاف فوجی کارروائی کا کوئی منصوبہ زیرغور نہیں۔عرب ٹی وی سے بات کرتے ہوئے عراقی حکومت کے ترجمان ڈاکٹر سعد الحدیثی نے کہا کہ اربیل کے خلاف فوجی کارروائی سے متعلق کرد قیادت کے دعوے بے بنیاد ہیں۔ مرکزی حکومت صوبہ کردستان کے خلاف فوجی کارروائی کا کوئی فیصلہ نہیں کیا۔ایک سوال کے جواب میں ترجمان نے کہا کہ کرکوک میں عراقی فوج کی موجودگی دہشت گردوں کے خلاف جنگ کے معاہدے کے تحت ہے۔

مصر نے مصالحت کرانے میں کلیدی کردار ادا کیا ہے

قاہر 12؍ اکتوبر 2017(فکروخبر/ذرائع)   فلسطینی تنظیموں اسلامی تحریک مزاحمت حماس اور تحریک فتح نے مصر کی زیرنگرانی قومی مصالحت کے تاریخی معاہدے کا اعلان کیا ہے۔ حماس کے سیاسی شعبے کے سربراہ اسماعیل ھنیہ نے آج جمعرات کو علی الصباح ایک مختصر پریس بیان میں کہا کہ ان کی جماعت اور تحریک فتح کے درمیان مصالحتی معاہدہ طے پا گیا ہے۔مرکزاطلاعات فلسطین کے مطابق حماس کے شعبہ اطلاعات کے رکن اور ترجمان طاھر نونو نے کہا کہ فلسطینی قوم اور مسلم امہ کے لیے خوش خبری ہے کہ حماس اور فتح نے تاریخی معاہدہ کیا ہے۔

 فلسطین :12؍اکتوبر2017(فکروخبر/ذرائع)فلسطین کی دونوں تحریک فتح و حماس نے قاہرہ میں دس گھنٹے تک جاری رہنے والے مذاکرات کے پہلے دور کے بعد اپنے ایک مشترکہ بیان میں صلح مذاکرات کے پہلے دور کو مثبت قرار دیا اور اور مذاکرات کا سلسلہ جاری رکھے جانے سے اتفاق کیا۔وا‍ضح رہے کہ فلسطینی گروہوں میں امن و صلح اور قومی آشتی کی غرض سے قاہرہ مذکرات شروع ہو گئے ہیں جن میں مختلف مسائل و موضوعات کا جائزہ لیا جا رہا ہے۔فلسطین کی اسلامی مزاحمتی تحریک حماس اور تحریک فتح کے مشترکہ بیان میں کہا گیا ہے کہ ان مذاکرات میں امن و صلح سے متعلق مختلف مسائل پر تبادلہ خیال ہوا اور ان مذاکرات کا مقصد فلسطینیوں کے مسائل کو حل کرنا اور غزہ کے اقتصادی مسائل میں کمی لانا ہے۔