Live Madinah

makkah1

dushwari

تازہ ترین خبر:

فلسطین: 16جولائی(فکروخبر/ذرائع )فلسطینیوں کی طرف سے جنوبی اسرائیل پر مبینہ راکٹ حملوں کے بعد اسرائیل نے جمعرات کو علی الصباح غزہ کی پٹی کے علاقے میں اسلامی تحریک مزاحمت [حماس] کی بعض تنصیبات پر فضائی حملہ کیا ہے۔اسرائیلی فوج کے بیان کے مطابق گذشتہ رات غزہ کی پٹی سے جنوبی اسرائیل پر راکٹ داغے گئے۔ راکٹ عسقلان کے علاقے میں ایک کھلے میدان میں گرے، جس سے کسی کے ہلاک یا زخمی ہونے کی اطلاع نہیں ملی۔

انقرہ ۔15 جولائی (فکروخبر/ذرائع)  ترکی کی قوم پرست جماعت نے حکمراں انصاف اور ترقی پارٹی (آق) کی قیادت میں مخلوط حکومت کے قیام کے لیے اتحاد میں شامل ہونے سے انکار کردیا ہے۔ترک وزیراعظم احمد داؤد اوغلو نے منگل کے روز انقرہ میں قوم پرست جماعت کی قیادت سے نئی حکومت کی تشکیل کے سلسلے میں بات چیت کی ہے لیکن انھوں نے اس مجوزہ حکومت کا حصہ بننے سے صاف انکار کردیا ہے۔ترک صدر نے وزیراعظم احمد داؤد اوغلو کو نو جولائی کو نئی حکومت بنانے کی دعوت دی تھی۔نئی مخلوط حکومت کا حصہ بنانے کے لیے وہ پارلیمان میں تین چھوٹی جماعتوں کی قیادت سے سے مذاکرات کررہے ہیں۔

دبئی ۔14 جولائی (فکروخبر/ذرائع) انسانی حقوق کے کارکنوں کی جانب سے جاری ایک تازہ تصویر میں ایک جنگجو کو ایک شخص کی آگ میں جلتی میت پر کھڑے دکھایا گیا ہے۔ انسانی حقوق کے کارکنوں کا کہنا ہے کہ یہ تصویر شام کے شہر الزبدانی کی ہے اور میت کے ساتھ سیلفی بنانے والے جنگجو کا تعلق مبینہ طورپر لبنانی شیعہ ملیشیا حزب اللہ کے ساتھ ہے۔انٹرنیٹ پر پوسٹ کی گئی فوٹیج میں حزب اللہ جنگجو کی شناخت علی محمود عودہ کے نام سے کی گئی ہے جوآگ میں جلتی میت کے ساتھ سیلفی بنانے کے کچھ ہی دیربعد خود بھی باغیوں کے حملے میں ہلاک ہوگیا تھا۔ حزب اللہ اس کی میت کو لبنان لے گئی تھی جہاں وادی البقاع میں اسے دفن کیا گیا۔