Live Madinah

makkah1

dushwari

نیویارک :22ستمبر2017(فکروخبر ؍ذرائع)صدر رجب طیب اردوان نے کہا ہے کہ شام میں داعش کے خلاف جنگ کیلئے پی وائی ڈی سے تعاون کرنے کی ضرورت نہیں۔ ترک خبررساں ادارے کے مطابق صدر نے نیو یارک میں عالمی تجارتی فورم سے اظہار خیال کرتے ہوئے کہا کہ وہ صدر ٹرمپ سے ملاقات میں ترکی کے خدشات سے آگاہ کریں گے۔ اردوان نے کہا کہ اس وقت امریکا نے پی وائی ڈی کو 3 ٹن اسلحہ دیا ،جن کا رخ ترکی کی جانب کب ہوگا اس کی ضمانت کوئی نہیں دے سکتا۔

سامان لوٹنے،جہاز تباہ کرنے کی کوشش،8 افراد گرفتار

ینگون:21؍ستمبر2017(فکروخبر/ذرائع)میانمار میں روہنگیا مسلمانوں کے لئے امداد لانے والے بحری جہاز پر 300 بدھسٹوں نے مشتعل ہو کر دھاوا بول کر اسے تباہاور سامان لوٹنے کی کوشش کی۔ عالمی میڈیا نے میانما حکومت کے حوالہ سے جمعرات کو بتایا کہ کہ یہ ہنگامہ آرائی راخائن ریاست کے دارلحکومت میں اس وقت پیش آئی جب 50 افراد نے عالمی ریڈ کراس کے کارکنوں کو جہاز سے زبردستی امدادی سامان اتارنے کا کہا ۔پولیس نے کہا کہ اس دوران پولیس موقعے پر پہنچی اور ان افراد کی تعداد 300 قریب تھی۔

 فرانسیسی خبررساں ایجنسی کے مطابق انسانی حقوق کی بین الاقوامی تنظیم ہیومن رائٹس واچ نے روہنگیا مسلمانوں کی نسل کشی پر میانمارحکومت پر سخت اقتصادی اور عسکری پابندیاں عائد کرنے کا مطالبہ کیا ہے۔ اطلاعات کے مطابق ہیومن رائٹس واچ نے راکھائن میں روہنگیا مسلمانوں پر ہونے والے ریاستی ظلم و جبر کی مذمت کرتے ہوئے کہا کہ اقوام متحدہ نے بھی راکھائن کی موجودہ صورتحال کو نسل کشی قرار دیا ہے لہٰذا عالمی برادری کو چاہیے کہ وہ مسلمانوں کا قتل عام رکوانے کے لیے میانمار کی حکومت پر دباؤ ڈالے اور اس پر ہتھیاروں کی خریداری سمیت دیگر پابندیاں عائد کی جائیں۔