Live Madinah

makkah1

dushwari

زخمی طلبہ ایک جامعہ میں زیر تعلیم ،واقعے کے وقت میز نائن فلو ر پر موجود تھے،دہشت گردی کا کوئی امکان نہیں۔گورنرجکارتہ

جکارتہ۔16جنوری2018(فکروخبر /ذرائع) انڈونیشیا کے دارالحکومت جکارتہ میں اسٹاک ایکس چینج کی عمارت کی نچلی منزل ( بالکونی) کی چھت گر گئی ہے جس کے نتیجے میں متعدد طلبہ سمیت ستر سے زیادہ افراد زخمی ہوگئے ۔میڈیارپورٹس کے مطابق پولیس نے میزنائن فلور کی چھت گرنے کے واقعے میں بم دھماکے کے امکان کو مسترد کردیا ہے۔اس نے ستر سے زیادہ افراد کے زخمی ہونے کی تصدیق کی ہے لیکن کسی شخص کے مرنے کی اطلاع نہیں دی۔ زخمی طلبہ ایک جامعہ میں زیر تعلیم ہیں اور وہ واقعے کے وقت میز نائن فلو ر پر موجود تھے۔

2018 کے لیے جاری کردہ اپیل میں 430 ملین ڈالر کی امداد دینے کی درخواست کی گئی ہے،رپورٹ 

کابل۔16جنوری2018(فکروخبر /ذرائع) اقوام متحدہ اورافغانستان کی حکومت نے مشترکہ طور پر عالمی برادری سے اپیل کی ہے کہ وہ انسانی ہمدردی کے تحت اس جنگ زدہ ملک کے لیے امداد فراہم کریں تا کہ پریشان حال لوگوں کی دیکھ بھال کی جا سکے۔غیرملکی خبررساں ادارے کے مطابق سن 2018 کے لیے جاری کردہ اپیل میں 430 ملین ڈالر کی امداد دینے کی درخواست کی گئی ہے۔ اقوام متحدہ کے افغانستان کے لیے قائم مقامی دفتراوسی ایچ اے اور افغان حکومت نے کہا کہ مسلح خلفشار کی وجہ سے تین لاکھ ساٹھ ہزار افراد کو بے گھری کا سامنا ہے۔ اقوام متحدہ کے افغان دفتر کے سربراہ ٹونی لانسر کا کہنا تھا کہ کئی افغان علاقوں میں لوگ اس وقت بھی مسلح حملوں اور پرتشدد حالات کا سامنا کر رہے ہیں۔

امریکہ نے یہ تسلیم کیا ہے یہ ہماری سرحد پر ایک فوج تشکیل دینے جیسا ہے،ترک صدر 

انقرہ۔16جنوری2018(فکروخبر /ذرائع) شام میں جاری خانہ جنگی کے دوران اہم کردار ادا کرنے والے ممالک نے کرد اتحادی ملیشا پر مشتمل سرحدی سکیورٹی فورس تشکیل دینے کے امریکی منصوبے پر شدید تنقید کی ہے۔میڈیارپورٹس کے مطابق ترکی کے صدر اسے دہشت فورس قرار دیتے ہوئے سیریئن ڈیموکریٹک فورس کی تربیت شروع ہونے سے پہلے ہی اس کا گلا گھوٹنے پر زور دیا۔ترکی نے کئی بار اتحادی افوج کی جانب سے سیریئن ڈیموکریٹک فورس کی مدد کی مخالفت کی ہے کیونکہ ایس ڈی ایف کی اکثریت کرد ملیشا وائی پی جی کے جنگجوؤں پر مشتمل ہے۔