Live Madinah

makkah1

dushwari

لندن میں موجود مسلمان شہری اپنے نومولود بچوں کے محمد نام رکھنے کو سب سے زیادہ ترجیح دیتے ہیں،رپورٹ

لندن ۔23ستمبر2017(فکروخبر/ذرائع) برطانیہ میں قائم سرکاری اعدادو شمار کے ایک مرکز کی طرف سے جاری کردہ رپورٹ میں بتایا گیا ہے کہ دارالحکومت لندن میں موجود مسلمان شہری اپنے نومولود بچوں کے محمد نام رکھنے کو سب سے زیادہ ترجیح دیتے ہیں۔رپورٹ میں بتایا گیا ہے کہ گذشتہ برس میڈ لینڈز کے علاقے میں بچوں کے نئے ناموں کے بارے میں ڈیٹا جمع کیا گیا تو پتا چلا کہ محمد نام ملک میں آٹھواں اور دارالحکومت لندن میں سب سے زیادہ مقبول سمجھا جاتا ہے۔

 دمشق :23؍ستمبر2017(فکروخبر/ذرائع)اسرائیلی جنگی طیارے سے داغا جانے والا ایک میزائل دمشق کے بین الاقوائی ایئرپورٹ کے قریب گرا ہے۔رپورٹوں میں بتایا گیا ہے کہ شامی فوج کے اینٹی ایئر کرافٹ یونٹ نے میزائل حملے کا کامیابی کے ساتھ مقابلہ کیا ہے۔شامی ذرائع نے اسرائیل کو مذکورہ میزائل حملے کا ذمہ دار قرار دیا ہے۔لبنان کی النشرہ ویب سائٹ نے صیہونی ذرائع ابلاغ کے حوالے سے بتایا ہے کہ اسرائیلی جنگی طیاروں نے لبنان کی فضائی حدود کی خلاف ورزی کرتے ہوئے دمشق کے بین الاقوامی ایئر پورٹ کو نشانہ بنانے کی کوشش کی ہے۔

نیو یارک :23؍ستمبر2017(فکروخبر/ذرائع)ترک صدر رجب طیب ایردوان نے" اسلامی دہشتگردی "کے لفظ پر سخت الفاظ میں تنقید کی ہے۔انہوں نے کہا ہم نے تو آج تک مسیحی،یہودی یا بدھ مت دہشت گردی کا نام نہیں سنا تو آج اسلام کو کیوں دہشتگردی سے منسلک کیا جا رہا ہے۔صدر ایردوان نے نیو یارک میں مسلم انجمنوں کے نمائندوں سے خطاب کرتےہوئے کہا کہ روہنگیا مسلمان اس وقت انتہائی اضطراب بھری زندگی گزار رہے ہیں جن کی نسل کشی کھلم کھلا ہو رہی ہے جنہیں بدھ آبادی قتل کر رہی ہے لیکن ہم نے اسے بدھ مت دہشت گردی نہیں کہا ۔