Live Madinah

makkah1

dushwari

تازہ ترین خبر:

تہران:03؍جنوری2018(فکروخبر/ذرائع)غیر ملکی میڈیا کے مطابق رواں ہفتے کے دوران دارالحکومت تہران سمیت ایران کے مختلف شہروں سے عوامی مقامات پر حجاب نہ کرنے پر کم از کم انتیس خواتین کو حراست میں لیا جا چکا ہے۔ ایرانی پولیس کا موقف ہے کہ جن خواتین کو گرفتار کیا گیا ہے انہوں نے ایک پراپیگنڈا مہم کے تحت حجاب اتارا تھا۔ایرانی میڈیا کے مطابق یہ پراپیگنڈا مہم غیر ممالک میں مقیم ایرانی شہریوں نے شروع کر رکھی ہے جو گزشتہ برس دسمبر سے شدت اختیار کیے ہوئے ہے۔

قاہر:03؍جنوری2018(فکروخبر/ذرائع) عرب لیگ کے وزرا ئےخارجہ نے تمام ممالک سے مطالبہ کیا ہے کہ وہ سلامتی کونسل کی 1980 میں منظور کی گئی قرارداد 478 پر عمل کرتے ہوئے بیت المقدس شہر میں سفارتی مشن قائم کرنے سے احتراز کریں۔ قاہرہ میں عرب لیگ کے صدر دفتر میں ہونے والے خصوصی اجلاس کے دوران عرب وزرا خارجہ نے ایک بار پھر باور کرایا کہ القدس کو اسرائیل کا دارالحکومت تسلیم کرنے اور وہاں سفارتی مشن منتقل کرنے کے حوالے سے کوئی بھی فیصلہ یکسر مسترد کیا جائے گا۔

 لندن:03؍جنوری2018(فکروخبر/ذرائع)ایک برطانوی عدالت نے لندن کے شمالی علاقے میں ایک مسجد کے نمازیوں پر وین چڑھانے والے مجرم کو 43 برس کی قید سزا کا حکم سنایا ہے۔ اڑتالیس سالہ مجرم ڈیرن اوسبورن نے جون سن 2017 میں شمالی لندن کے علاقے فنزبری میں ایک مسجد کے باہر نمازیوں پر وین چڑھا دی تھی۔ عدالت نے ایک روز قبل مجرم کو باقاعدہ طور پر قاتل قرار دیا تھا۔ اس حملے میں ایک مسلمان ہلاک اور نو زخمی ہوئے تھے۔ استغاثہ کے مطابق مجرم اوسبورن انتہائی دائیں بازو کے نظریات سے متاثر ہے اور مسلمانوں سے نفرت بھی کرتا ہے۔