Live Madinah

makkah1

dushwari

اربیل :30؍اکتوبر2017(فکروخبرذرائع)عراق کے خود مختار شمالی علاقے کردستان کے صدر مسعود بارزانی کے مستعفی ہونے کے اعلان کے ردعمل میں مظاہرین نے دارالحکومت اربیل میں پارلیمان کی عمارت پر دھاوا بول دیا ہے۔ وہ لاٹھیوں اور ڈنڈوں سے مسلح تھے اور علاقائی صدر کے فیصلے کے خلاف اپنے غیظ وغضب کا اظہار کررہے تھے۔عینی شاہدین کے مطابق مظاہرین نے دعویٰ کیا تھا کہ وہ کرد فورسز البیش المرکہ کے اہلکار ہیں۔وہ پارلیمان کی عمارت میں گھس گئے اور اس دوران فائرنگ کی آوازیں بھی سنی گئی ہیں۔

ڈھاکہ۔29اکتوبر2017(فکروخبر/ذرائع) بنگلہ دیش کی حکومت روہنگیا مہاجرین کی رضاکارانہ نس بندی کی منصوبہ بندی کر رہی ہے۔ ایک ملین روہنگیا پناہ گزین کیمپوں میں جگہ اور دیگر سہولیات کے لیے تگ و دو میں ہیں جبکہ برتھ کنٹرول کی حکومتی کوششیں ناکام ہو چکی ہیں۔بنگلہ دیش کے پڑوسی ملک میانمار میں رواں برس اگست سے روہنگیا مسلمانوں کے خلاف ہونے والے فوجی کریک ڈاؤن کے بعد چھ لاکھ کے قریب روہنگیا مسلمان بنگلہ دیش پہنچ چکے ہیں۔

بین الاقوامی پارٹیاں اسرائیل کے جرائم اورمنصوبوں کو عوام کے سامنے بے نقاب کریں، پریس کانفرنس سے خطاب

غزہ ۔29اکتوبر2017(فکروخبر/ذرائع) اسلامی تحریک مزاحمت (حماس)کے ترجمان فوزی برھوم کا کہنا ہے کہ قابض اسرائیل اور اس کے آبادکاری کے منصوبوں کا مقابلہ کرنے کیلئے ایک متحدہ قومی پروگرام تشکیل دینے کی ضرورت ہے۔ایک پریس کانفرنس سے خطاب کرتے ہوئے فوزی برھوم کا کہنا تھا کہ فلسطینی گھروں کو مسمار کرنے، فلسطینی زمینوں اور باغات پر قبضہ کرنے کی اسرائیلی پالیسی اور ہزاروں گھروں کی تعمیر کی پالیسی انتہائی سنجیدہ نوعیت کے جرائم ہیں۔