dushwari

صنعا:09؍ڈسمبر2017(فکروخبر/ذرائع)یمن کے سابق مقتول صدر علی عبد اللہ صالح کی مبینہ وصیت منظر عام پر آگئی ہے ، وصیت میں سابق صدر نے عوام اور قوم کو حوثی باغیوں کے سامنے ہتھیار ڈالنے سے روکا ہے جبکہ ملک کے حوالے سے اہم خطرات کا اظہار بھی کیا ہے۔سابق یمنی صدر کی سیاسی جماعت جنرل پیپلز کانگریس پارٹی کے وائس سیکرٹری یاسر العواضی کے بھائی طارق العواضی نے سماجی رابطوں کی ویب سائٹ پر ایک وصیت  شیئر کی ہے، ان کے مطابق یہ سابق صدر علی عبداللہ صالح کی آخری "وصیت" ہے جو انہوں نے حوثی باغیوں کے ہاتھوں قتل ہونے سے ایک روز قبل لکھی تھی۔

واشنگٹن:08؍ڈسمبر 2017(فکروخبر/ذرائع)گزشتہ ماہ نیلام کی گئی دنیا کی مہنگی ترین پینٹنگ کا خریدار کوئی اور نہیں سعودی ولی عہد محمد بن سلمان ہیں,امریکی جریدے وال اسٹریٹ جرنل کے مطابق گزشتہ ماہ اطالوی مصور لیونارڈو ڈا ونچی کے مصورانہ شاہکار کو سعودی عرب کے ولی عہد شہزادہ محمد بن سلمان نے خریدا تھا۔ اس شاہکار پینٹنگ کی نیلامی چار سو پچاس ملین ڈالر میں ہوئی تھی، جو ایک ریکارڈ ہے۔ رپورٹ کے مطابق سعودی شہزادے نے ایک اور شخص کے توسط سے نیلامی میں شرکت کی تھی۔ ڈاونچی کی پینٹنگ یسوع مسیح کی ہے اور اس کا نام انہوں نے سلواتر مُنڈی تجویز کیا تھا۔ وال اسٹریٹ جرنل نے یہ معلومات امریکی خفیہ اداروں اور دوسرے نامعلوم ذرائع سے حاصل کر کے جاری کی ہیں۔

ریاض :08؍ڈسمبر 2017(فکروخبر/ذرائع)کویت اور سعودی عرب نے فیصلہ کیا ہے کہ پیش آئند گلف فٹبال کپ کا انعقاد قطر میں کرانے کے بجائے کویت میں کرایا جائے گا۔العربیہ ڈاٹ نیٹ کے مطابق سعودی عرب کی جنرل سپورٹس کونسل کے چیئرمین ترکی آل الشیخ اور کویت کی پارلیمنٹ [مجلس امہ] کے اسپیکر مرزوق الغانم کے درمیان ٹیلیفون پر بات چیت ہوئی۔ دونوں رہ نماؤں نے فیصلہ کیا کہ آئندہ گلف فٹ بال کپ کا انعقاد قطر کے بجائے  کویت میں کیا جائے گا۔