dushwari

دبئی:29؍اکتوبر2017(فکروخبر/ذرائع)خلیجی خبر رساں ایجنسی کی جانب سے جاری رپورٹس کے مطابق دبئی کی روڈ اینڈ ٹرانسپورٹ اتھارٹی نے اعلان کیا ہے کہ دبئی میٹرو اور ٹرام کے اوقات میں یکم نومبر 2017ء سے تبدیلی کی جارہی ہے۔دبئی کی روڈ اینڈ ٹرانسپورٹ اتھارٹی کے مطابق یکم نومبر سے گرین لائن پر سروسز کا آغاز 20منٹ قبل صبح ساڑھے 5بجے ہوگا جبکہ ریڈ لائن پر ایکسپریس میٹرو سروس جوکہ اس وقت صبح ساڑھے 5بجے شروع ہوتی ہے اس کا آغاز یکم نومبر سے صبح 5بجے ہوگا۔

مناما:29؍اکتوبر2017(فکروخبر/ذرائع)خلیجی ملک بحرین میں پولیس پر بم حملے میں ایک اہلکار ہلاک اور 8 زخمی ہوگئے۔بحرین کی وزارت داخلہ نے بتایا کہ دارالحکومت مناما کے جنوب مغرب میں پولیس کی بس کو دیسی ساختہ ریموٹ کنٹرول بم سے نشانہ بنایا گیا۔ وزارت داخلہ کے مطابق حملے میں ایک پولیس اہلکار جاں بحق اور 8 زخمی ہوگئے۔ زخمیوں کو اسپتال منتقل کردیا گیا ہے جہاں انہیں طبی امداد فراہم کی جارہی ہے جب کہ بعض زخمیوں کی حالت تشویش ناک بتائی جاتی ہے۔سیکورٹی اہلکاروں نے جائے وقوعہ کو گھیرے میں لے کر تحقیقات شروع کردی ہیں اور ملزمان کی گرفتاری کے لیے سرچ آپریشن کیا جارہا ہے۔واقعہ شاہراہِ خلیفہ بن سلمان پر اس وقت پیش آیا جب پولیس کی بس دارالحکومت کی طرف جارہی تھی۔

ریاض۔28اکتوبر(فکروخبر /ذرائع) سعودی عرب میں پرفیومز میں انسانی پیشاب کے استعمال ہونے کا انکشاف ہواہے۔عرب ٹی وی کے مطابق دارالحکومت ریاض میں ایک ایسی لیب کا پتہ لگایا گیا ہے جہاں مشہور بین الاقوامی برانڈز کے نام سے جعلی پرفیومز تیار کرکے مملکت میں فروخت کیے جارہے تھے۔ سعودی وزارت تجارت وسرمایہ کاری نے شہری کی شکایت پرمذکورہ لیب پر چھپاپہ مار کرجعلی پرفیومز کی بڑی مقدار قبضے میں لے لی۔