dushwari

تازہ ترین خبر:

شارجہ:13؍فروری2018(فکروخبر/ذرائع)متحدہ عرب امارات کے شہر شارجہ کے ایک اپارٹمنٹ میں خوفناک آتشزدگی سے 2 بچوں سمیت5 افراد جاں بحق ہوگئے۔خلیج ٹائمز کی رپورٹ کے مطابق یہ افسوسناک واقعہ البوطینہ کی ایک رہائشی عمارت کی پہلی منزل پر واقع اپارٹمنٹ میں پیش آیا جب اچانک آگ بھڑک اٹھی جس کے نتیجے میں وہاں پر موجود 2 بچوں سمیت 5 افراد دم گھٹنے کی وجہ سے جاں بحق ہوگئے۔ مرنے والے افراد اس اپارٹمنٹ کے رہائشی نہیں تھےجبکہ اس حادثہ میں مزید آٹھ افراد زخمی ہوگئے

جدہ میں معاملات کنٹرول میں ہیں ، خوامخوا بے چینی پھیلانے کی کوشش کی جارہی ہے،ترجمان کی وضاحت

جدہ۔12فروری2018(فکروخبر/ذرائع ) سعودی عرب کے ساحلی شہر جدہ میں زلزلہ کی اطلاعات ہیں تاہم سعودی جیولوجیکل سروے کے آلات میں کسی قسم کے جھٹکے ریکارڈ نہیں ہوئے۔ غیرملکی خبررساں ادارے کے مطابق سعوی جیولیوجیکل سروے بورڈ ترجمان طارق ابا الخیل نے شہریوں اور مقیم غیر ملکیوں کو اطمینان دلایا کہ سوشل میڈیا میں پھیلائی جانے والی خبریں بے بنیاد ہیں۔ جدہ میں معاملات کنٹرول میں ہیں ۔ خوامخوا ہ بے چینی پھیلانے کی کوشش کی جارہی ہے۔ انہوں نے کہا کہ جدہ میں زلزلے کے جھٹکوں کے متعلق اس سے قبل بھی بے پر کی اڑائی جاتی رہی جس کی تردید کی گئی ہے۔ماحولیات اور زلزلوں کے متعلق معلومات فراہم کرنے والے سرکاری ادارے کی رپورٹوں پر یقین رکھا جائے، اس کے علاوہ دیگر تمام ذرائع غیر مصدقہ ہے۔

ریاض۔12فروری2018(فکروخبر/ذرائع ) سعودی عرب میں جاری پاکستان اور سعودی عرب کی بحری افواج کے مابین مشترکہ بحری مشق 'نسیم البحر' کا ہاربر فیز اختتام پذیر ہوگیا۔ترجمان پاک بحریہ کے مطابق ہاربر فیز متعدد آپریشنل سرگرمیوں اور مشترکہ مشقوں پر مشتمل تھا۔ترجمان کے مطابق ہاربر فیز کے دوران دونوں ممالک کی بحری افواج نے سی فیز کے دوران ہونے والی مشترکہ آپریشنز کی پلاننگ بھی کی۔اس موقع پر پاکستان نیوی کے مشن کمانڈر اور سعودی بحری افواج کی جانب سے مشقوں کے ڈائریکٹر نے ہاربر فیز کی تمام سرگرمیوں کی نگرانی کی۔