dushwari

ریاض۔19نومبر2017(فکروخبر/ذرائع) سعودی عرب میں غیر قانونی طور پر مقیم غیر ملکیوں کے خلاف کریک ڈاون جاری ہے ، تین دنوں میں 24 ہزار غیر ملکیوں کو گرفتار کر لیا گیا۔سعودی میڈیا کے مطابق سعودی وزارت داخلہ سے گزشتہ روز جاری کیے گئے تازہ بیان میں کہاگیاکہ اقامہ بارڈر اور وورک قوانین کی خلاف ورزی کرنے والے غیر ملکیوں کے خلاف گزشتہ بدھ 15 نومبر سے شروع ہونے والے کریک ڈاون کے پہلے تین روز میں 23 ہزار 938 غیر ملکی دھر لئے گئے ۔

جدہ :18؍نومبر2017(فکروخبر/ذرائع)سعودی عرب کے ساحلی شہر جدہ کے ہوٹلوں میں موسیقی پر پابندی عائد کردی گئی ہے۔عرب میڈیا کے مطابق سعودی شاہ کے مشیر اور مکہ ریجن کے امیر پرنس خالد الفیصل کی جانب سے جدہ کے ہوٹلوں میں موسیقی پر پابندی عائد کردی گئی، جس کے تحت جدہ کی حدود میں موجود ہوٹلوں میں کسی بھی قسم کے گانے بجانے یا موسیقی کے پروگرام منعقد کرنے پر پابندی ہوگی۔

ریاض:18؍نومبر2017(فکروخبر/ذرائع)سعودی عرب نے جرمنی کے درالحکومت برلن میں تعینات اپنے سفیر کو واپس بلالیا ہے۔غیرملکی میڈیا رپورٹس کے مطابق سعودی عرب نے جرمن وزیر خارجہ کے لبنان سے متعلق متنازع بیان پر احتجاج کرتے ہوئے یہ اقدام اٹھایا ہے۔جرمن وزیر خارجہ نے اپنے متنازع بیان کہا تھا کہ سعودی عرب نے لبنان کے سابق وزیر اعظم سعد الحریری کو ان کی مرضی کے خلاف ریاض میں روک کر رکھا ہے۔