dushwari

سڑک کنارے گاڑی کھڑی کرنا ٹریفک حادثات کی وجہ بن رہا ہے : پولیس افسر 

دبئی۔23اکتوبر2017(فکروخبر /ذرائع) دبئی میں گاڑی سڑک پر کھڑی کرکے نماز اداکرنے والے پر 500 درہم جرمانہ عائد کیا جائے گا۔ڈائریکٹر ٹریفک پولیس بریگیڈیئر سیف موحائر المزروعی کے مطابق دبئی میں کسی بھی سڑک پر گاڑی پارک کرکے نماز کی ادائیگی پر پابندی لگادی گئی ٗاور خلاف ورزی کرنے پر 500 درہم (ساڑھے 14 ہزار روپے) مالی جرمانہ عائد کیا جائیگا ٗ دبئی پولیس کی جانب سے یہ اقدام ہفتے کو شیخ محمد بن زاہد روڈ پر پیش آنے والے حادثے کے ایک روز بعد کیا گیا ٗ ہفتے کے روز ایک کار سوار اپنی گاڑی پارک کرکے سڑک کنارے نماز اداکررہا تھا کہ اس دوران مزید افراد بھی نماز پڑھنے رک گئے۔

دونوں ممالک کے درمیان 27 سال کے تعطل کے بعد باضابطہ طور پر فضائی سروس بحال ہو جائے گی

ریاض ۔23اکتوبر2017(فکروخبر /ذرائع) سعودی عرب کی سرکاری فضائی کمپنی 30 اکتوبر سے بغداد کے لیے اپنے پروازوں کا باقاعدہ آغاز کرے گی جس سے دونوں ممالک کے درمیان 27 سال کے تعطل کے بعد باضابطہ طور پر فضائی سروس بحال ہو جائے گی۔عرب میڈیا کے مطابق سعودی ائیر لائنز کے چیف ایگزیکٹو آفیسر صالح الجسر نے گفتگو کرتے ہوئے اس خبر کی تصدیق کی ہے اور بتایا ہے کہ فضائی کمپنی دن میں بغداد کے لیے براہ راست دو پروازیں چلائے گی۔

الریاض :22؍اکتوبر2017(فکروخبر/ذرائع)عراقی وزیراعظم حیدر العبادی سعودی عرب کے دورے پر الریاض پہنچ گئے ہیں۔سعوی فرماں روا شاہ سلمان بن عبدالعزیز نے بہ نفس نفیس ان کا اور ان کے ساتھ آنے والے وفد کا استقبال کیا۔دونوں رہ نماؤں نے ملاقات میں سعودی عرب اور عراق کے درمیان دو طرفہ تعلقات کے فروغ اور خطے کی صورت حال پر تبادلہ خیال کیا ہے۔عراقی وزیراعظم اتوار کو سعودی ،عراق رابطہ کونسل کے پہلے اجلاس میں شرکت کریں گے۔