dushwari

ریاض :14؍ڈسمبر2017(فکروخبر/ذرائع)سعودی فرماروا شاہ سلمان نے کہاہے کہ بیت المقدس سے متعلق امریکی صدرکے فیصلے پرافسوس اور تشویش ہے جبکہ سعودی عرب فلسطینیوں کے حقوق کے حصول تک حمایت جاری رکھے گا۔تفصیلات کے مطابق شاہ سلمان کامجلس شوریٰ کے دوسرے سیشن سے خطاب کرتے ہوئے کہناتھاکہ دہشتگردی ،اس کے مالی سہولت کاروں کیخلاف جدوجہد جاری رکھیں گے اور بدعنوانی کیخلاف کارروائیوں میں انصاف کے تقاضے یقینی بنائیں گے۔

ریاض۔13دسمبر2017(فکروخبر /ذرائع)  سعودی فرماں روا شاہ سلمان بن عبدالعزیز نے منگل کے روز ریاض میں اپنے محل میں اردن کے فرماں روا شاہ عبداللہ دوم سے سرکاری نوعیت کی ملاقات میں مختلف امور پر تبادلہ خیال کیا۔ملاقات میں خطے میں جاری حالیہ پیش رفت بالخصوص بیت المقدس اور اس سے متعلق امریکی صدر ڈونلڈ ٹرمپ کے اعلان کا معاملہ زیر بحث آیا۔ امریکا کی جانب سے بیت المقدس کو اسرائیلی دارالحکومت تسلیم کرنے کے بعد فلسطینی اسرائیلی تنازع مزید پیچیدہ ہو جائے گا اور یہ خطے کے امن و استحکام پر بھی اثر انداز ہو گا۔

ریاض:13؍ڈسمبر2017(فکروخبر/ذرائع)سعودی عرب نے مملکت میں کام کرنے والے غیر ملکی گھریلو ملازمین کے لیے سیلری کارڈ کا نظام متعارف کرانے کا اعلان کردیا۔عرب میڈیا رپورٹس کے مطابق سعودی حکومت نے غیر ملکی گھریلو ملازمین کی تنخواہوں کی بروقت ادائیگی کے لیے ایک بڑا اقدام اٹھایا ہے جس میں جدید طریقے کو اختیار کرتے ہوئے ماہانہ تنخواہوں کی ادائیگی آن لائن سسٹم کے ذریعے کی جائے گی۔وزارت لیبر اینڈ سوشل ڈیولپمنٹ غیر ملکی گھریلو ملازمین کو پری پیڈ پے رول سیلری کارڈ جاری کرے گا جس کے ذریعے تنخواہوں کی بلا تاخیر ادائیگی باآسانی اور محفوظ انداز میں کی جائے گی