dushwari

تازہ ترین خبر:

باغپت:23؍جنوری2018(فکروخبر/ذرائع) اترپردیش کے باغپت میں پیر کو کچھ شرپسند عناصر نے ایک مرتبہ پھر فرقہ وارانہ ہم آہنگی کی فضا کو مسموم کرنے کی کوشش کی ۔ شرپسند عناصر نے ایک مدرسہ کی دیوار پر کالک پوت دی ، جس کی وجہ سے مسلمانوں میں غم و غصہ پایا جارہا ہے۔ واقعہ کی اطلاع ملتے ہی پولیس اہلکار موقع پر پہنچ گئے اور انہوں نے نامعلوم شرپسند عناصر کے خلاف کیس درج کرلیا ہے۔بڑوت تھانہ کے بجرول گاوں میں ایک مدرسہ پر سماج دشمن عناصر کے ذریعہ کالک پوتنے کا واقعہ پیش آیا ہے ۔

نئی دہلی:23؍جنوری2018(فکروخبر/ذرائع) پٹرول اور ڈیزل کی قیمتوں میں لگاتار اضافہ سے سردی کے موسم میں بھی لوگوں کے پسینے چھوٹنے لگے ہیں ۔ خام تیل کی بین الاقوامی قیمت میں لگاتار اضافہ سے ممبئی میں پیر کو پٹرول کی قیمت بڑھ کر 80.10 روپے فی لیٹر ہوگئی اور ڈیزل کی قیمت بڑھ کر 67.10 روپے فی لیٹر ہوگئی ۔ دہلی میں بھی پیر کو پٹرول کی قیمت بڑھ کر 72.23 روپے ہوگئی ۔پٹرو ل اور ڈیزل کی قیمت میں مسلسل اضافہ سے دونوں کو جی ایس ٹی کے دائرے میں لانا اب مجبوری ہوگئی ہے ۔

نئی دہلی 22؍جنوری (فکروخبر /ذرائع)   عام آدمی پارٹی کے نا اہل قرار دئے گئے ممبران اسمبلی نے دہلی ہائی کورٹ سے اپنی عرضی واپس لے لی ہے ۔ عدالت کے ذریعہ عرضی خارج کئے جانے سے پہلے ہی پارٹی کے چھ ممبران اسمبلی نے اپنی عرضی واپس لے لی۔ اب ممبران اسمبلی اس معاملہ میں دوبارہ عدالت میں عرضی دائر کریں گے۔سماعت کے دوران الیکشن کمیشن کی طرف سے عدالت کو بتایا گیا کہ جب ممبران اسمبلی نے عدالت میں عرضی داخل کی تھی ، اس وقت الیکشن کمیشن صدر جمہوریہ کے پاس ممبران اسمبلی کو نا اہل قرار دینے کی سفارش بھیج چکا تھا اور اتوار کو صدر جمہوریہ نے اس کو منظوری دیدی ، جس کے بعد ہائی کورٹ نے عرضیوں کو خارج کرنا شروع کردیا ، تب ممبران اسمبلی نے اپنی عرضی واپس لے لی۔

Urdu-Arabic-Keybaord11

ISLAMIC-MESSAGES