dushwari

نئی دہلی :27؍ستمبر2017(فکروخبر؍ذرائع)ملک کے ایک سرکردہ ریٹنگ ادارہ آئی سی آر اے (اکرا) نے کہا ہے کہ پٹرول اور ڈیزل کی قیمتوں پر روز مرہ کی بنیاد پر نظرثانی کے طریقہ کار پر وسط جون سے عمل آوری کے آغاز سے تاحال ان دونوں اشیاء کی قیمتوں میں 8 فیصد اضافہ ہوا ہے۔ اس ادارہ نے خبردار کیاکہ ایندھن کی قیمتوں میں مسلسل اضافہ طلب میں اضافہ کو روک سکتا ہے۔ علاوہ ازیں افراط زر کے دباؤ کے ساتھ مہنگائی میں اضافہ ہوسکتا ہے۔

نئی دہلی :26؍ستمبر2017(فکروخبر /ذرائع) اسٹیٹ بینک آف انڈیا (ایس بی آئی) نے سیونگ اکاؤنٹ پر اقل ترین جمع رکھی جانے والی رقم میں کمی کی ہے اور اسے برقرار نہ رکھنے کی صورت میں جرمانوں پر بھی نظرثانی کی ہے۔ ایس بی آئی میں سیونگ اکاؤنٹ میں 5000 روپئے کم از کم رقم موجود رہنا ضروری تھا لیکن اب اسے 3000 روپئے کردیا گیا ہے۔ اس کا اطلاق اکٹوبر سے ہوگا۔ پبلک سیکٹر کے اس بینک نے وظیفہ یابان، حکومت کی سماجی بہبودی اسکیمات کے استفادہ کنندگان اور بچوں کو سیونگ اکاؤنٹ میں کم از کم رقم کی شرط سے استثنیٰ دیا ہے۔

بنگلورو:25؍ستمبر2017(فکروخبر /ذرائع) یہی ہےعبادت یہی دین وایماں ۔ کہ کام آئے دنیا میں انساں کے انساں کچھ ایسے ہی جذبہ کا مظاہرہ بنگلورو کے چند مسلم ڈاکٹروں نےکیا ہے۔ ان ڈاکٹروں نے اپنی آمدنی سے بچنے والی رقم سے خدمت خلق کے لئےایک اسپتال قائم کیا ہے۔ بنگلورو کے شیواجی نگر علاقہ میں چارمنزلہ میٹرو ہاسپٹل کا افتتاح عمل میں آیا ۔ شہر کے بڑے کارپوریٹ اسپتالوں میں خدمت انجام دینےوالے7 مسلم ڈاکٹروں نے مل کراس اسپتال کو قائم کیا ہے۔

Urdu-Arabic-Keybaord11

ISLAMIC-MESSAGES