dushwari

نئی دہلی :26؍ستمبر2017(فکروخبر /ذرائع) اسٹیٹ بینک آف انڈیا (ایس بی آئی) نے سیونگ اکاؤنٹ پر اقل ترین جمع رکھی جانے والی رقم میں کمی کی ہے اور اسے برقرار نہ رکھنے کی صورت میں جرمانوں پر بھی نظرثانی کی ہے۔ ایس بی آئی میں سیونگ اکاؤنٹ میں 5000 روپئے کم از کم رقم موجود رہنا ضروری تھا لیکن اب اسے 3000 روپئے کردیا گیا ہے۔ اس کا اطلاق اکٹوبر سے ہوگا۔ پبلک سیکٹر کے اس بینک نے وظیفہ یابان، حکومت کی سماجی بہبودی اسکیمات کے استفادہ کنندگان اور بچوں کو سیونگ اکاؤنٹ میں کم از کم رقم کی شرط سے استثنیٰ دیا ہے۔

بنگلورو:25؍ستمبر2017(فکروخبر /ذرائع) یہی ہےعبادت یہی دین وایماں ۔ کہ کام آئے دنیا میں انساں کے انساں کچھ ایسے ہی جذبہ کا مظاہرہ بنگلورو کے چند مسلم ڈاکٹروں نےکیا ہے۔ ان ڈاکٹروں نے اپنی آمدنی سے بچنے والی رقم سے خدمت خلق کے لئےایک اسپتال قائم کیا ہے۔ بنگلورو کے شیواجی نگر علاقہ میں چارمنزلہ میٹرو ہاسپٹل کا افتتاح عمل میں آیا ۔ شہر کے بڑے کارپوریٹ اسپتالوں میں خدمت انجام دینےوالے7 مسلم ڈاکٹروں نے مل کراس اسپتال کو قائم کیا ہے۔

حیدرآباد24؍ ستمبر 2017(فکروخبر/ذرائع) تلنگانہ کے مختلف اضلاع سے تعلق رکھنے والے بڑے جانوروں کے تاجروں نے صدرنشین جمعیت القریش محمد سلیم سے ملاقات کرتے ہوئے پولیس اور گئو رکشکوں کی ہراسانی سے واقف کروایا۔ تاجروں نے بتایاکہ اضلاع سے جانور وں کوحیدرآباد لانے سے روکاجارہاہے۔ ایک طرف پولیس تودوسری طرف گئو رکشک کی جانب سے انہیں ہراساں کرتے ہوئے جانوروں کو ضبط کیاجارہاہے۔

Urdu-Arabic-Keybaord11

ISLAMIC-MESSAGES